ഏഴാം ക്ലാസ്സ് അടിസ്ഥാന ശാസ്ത്രം

യൂണിറ്റ്-1

മണ്ണില്‍ പൊന്നു വിളയിക്കാം

               ഗ്രാഫ്റ്റിംഗ്-വീഡിയോ                        ടിഷ്യുകള്‍ച്ചര്‍-വീഡിയോ

ജീവാണുവളങ്ങള്‍

അമിത രാസവളങ്ങളുടെയും കീടനാശിനികളുടെയും ഉപയോഗംമൂലം കാര്‍ഷികോത്പന്ന വര്‍ദ്ധനവിനോടൊപ്പം പല മാറാരോഗങ്ങളും കൂടിക്കൊണ്ടിരിക്കുന്ന പ്രവണതയാണ് ഇന്ന് കാണുന്നത്. പരിഹാരം എന്നനിലയില്‍ വികസിതരാഷ്ട്രങ്ങള്‍ ഇന്ന് മിക്കവാറും ജൈവിക കൃഷിരീതിയിലേക്ക് മടങ്ങിക്കൊണ്ടിരിക്കുകയാണ്. ഓരോകിലോ ധാന്യം കൃഷിഭൂമിയില്‍ നിന്നു വിളവെടുക്കുമ്പോഴും ഏകദേശം ഇരുപതുഗ്രാം വീതം പാക്യജനകം, ക്ഷാരം, കാത്സ്യം എന്നിവയും രണ്ടുഗ്രാം വീതം ഭാവഹം, മഗ്നീഷ്യം, ഇരുമ്പ് എന്നിവയും ദശാംശം രണ്ടുഗ്രാം വീതം മാംഗനീസ്, ചെമ്പ്, നാകം, ബോറോണ്‍, മോളിബ്ഡിനം എന്നിവയും നഷ്ടപ്പെടുന്നതായും കണ്ടെത്തിയിട്ടുണ്ട്.

കൃഷി സുസ്ഥിരത കൈവരിക്കണമെങ്കില്‍ മണ്ണില്‍നിന്ന് നീക്കംചെയ്യുന്ന എല്ലാ പോഷകങ്ങളും രാസവളമായോ ജൈവവളമായോ ജീവാണുവളമായോ മണ്ണിന് തിരിച്ചുകൊടുക്കണം. ജൈവിക കൃഷിരീതിയില്‍ ജീവാണുവളങ്ങള്‍ക്ക് വളരെ പ്രധാനപ്പെട്ട സ്ഥാനമുണ്ട്. ബാക്ടീരിയകള്‍, കുമിളുകള്‍ എന്നീ വിഭാഗങ്ങളില്‍പ്പെടുന്ന സൂക്ഷ്മജീവികളാണ് മണ്ണിന്റെ ജൈവപുഷ്ടി നിലനിര്‍ത്തുന്നത്. ഈ സൂക്ഷ്മജീവികള്‍ മണ്ണില്‍ വീഴുന്ന ഏതു ജൈവവസ്തുക്കളെയും അഴുകിദ്രവിപ്പിച്ചു അപ്രത്യക്ഷമാക്കുന്നു. മണ്ണില്‍ കാണുന്ന ചില സൂക്ഷ്മജീവികള്‍ക്ക് അന്തരീക്ഷവായുവിന്റെ മുക്കാല്‍ പങ്കോളം വരുന്ന പാക്യജനകത്തെ സ്വാംശീകരിച്ച് ചെടികള്‍ക്ക് വലിച്ചെടുക്കാന്‍ പാകത്തിലുള്ള നൈട്രേറ്റുകളാക്കി മാറ്റാനുള്ള കഴിവുണ്ട്. ഇത്തരം സൂക്ഷ്മജീവികള്‍ നൈട്രജന്‍ ഫിക്സിംഗ് ബാക്ടീരിയ എന്നറിയപ്പെടുന്നു. റൈസോബിയം ഇതില്‍ പ്രധാനിയാണ്‌. ഇവ പയറുവര്‍ഗത്തില്‍പ്പെട്ട ചെടികളുടെ വേരുകളില്‍ ധാരാളമായി കാണുന്നു. പയറുചെടി നശിക്കുമ്പോള്‍ അതിലടങ്ങിയിട്ടുള്ള പാക്യജനക ലവണങ്ങള്‍ മണ്ണില്‍ ലയിച്ചുചേരുകയും മണ്ണിന്റെ ഫലഭൂയിഷ്ഠി വര്‍ദ്ധിപ്പിക്കുകയും ചെയ്യുന്നു. സൂക്ഷ്മസസ്യ വിഭാഗങ്ങളില്‍പെടുന്ന ചിലതരം ആല്‍ഗകളും പായല്‍ചെടികളും പയറുചെടികളുടെ സാന്നിധ്യമില്ലാതെതന്നെ മൂലകരൂപത്തിലുള്ള അന്തരീക്ഷത്തിലെ പാക്യജനകത്തെ ചെടികള്‍ക്കുപകരിക്കുന്ന യൗഗികരൂപത്തിലുള്ള നൈട്രേറ്റുകളാക്കിമാറ്റാന്‍ കഴിയുന്നവയാണ്. ഇത്തരം സൂക്ഷ്മജീവികള്‍ക്ക് ഉദാഹരണമാണ്‌ നീലഹരിത പായലുകള്‍, അസോള എന്നിവ.

അമ്ലരസമുള്ള മണ്ണില്‍ ഭാവഹവളങ്ങള്‍ ചേര്‍ക്കുമ്പോള്‍ ഫോസ്ഫേറ്റ് ഫിക്സേഷന്‍ എന്ന രാസപ്രവര്‍ത്തനംമൂലം മണ്ണില്‍ ഉറച്ചുപോകുകയും അതുമൂലം ചെടികള്‍ക്ക് ഭാവഹവളത്തിന്റെ ലഭ്യത കുറയുകയും ചെയ്യുന്നു. ഇത്തരത്തില്‍ അഭേദ്യമാംവിധം മണ്‍തരികളില്‍ ഒട്ടിപ്പിടിച്ചുപോയ ഭാവഹത്തെ വെള്ളത്തില്‍ ലയിക്കുന്ന രൂപത്തില്‍ ആക്കി മാറ്റാന്‍ കഴിവുള്ള ഭാവഹ ലായക സൂക്ഷ്മജീവികളും മണ്ണില്‍ ധാരാളം അടങ്ങിയിട്ടുണ്ട്. സ്യൂഡോമൊണാസ്, ആസ്പര്‍ഗില്ലസ് എന്നിവ ഇതിന് ഉദാഹരണങ്ങളാണ്.

മേല്‍പ്പറഞ്ഞ സൂക്ഷ്മജീവികളെല്ലാം കൃത്രിമമായി ഉത്പാദിപ്പിച്ച് അനുയോജ്യ മാധ്യമങ്ങളില്‍ കലര്‍ത്തി പാക്കറ്റുകളിലാക്കി ജീവാണുവളങ്ങള്‍ എന്നപേരില്‍ ഇന്ന് വിപണിയില്‍ സുലഭമാണ്.

വിപണിയില്‍ കിട്ടുന്ന ജീവാണുവളങ്ങള്‍ വിത്തിലോ തൈകളിലോ പുരട്ടിയോ ജൈവവളവുമായിചേര്‍ത്ത് മണ്ണില്‍ നേരിട്ടോ പ്രയോഗിക്കാം. മണ്ണില്‍ നേരിട്ടു പ്രയോഗിക്കുമ്പോള്‍ ഒരുഭാഗം ജീവാണുവളം ഏകദേശം ഇരുപത്തഞ്ചിരട്ടി ഉണക്കിപ്പൊടിച്ച ചാണകമോ മണ്ണിരകമ്പോസ്റ്റോ മറ്റു ജൈവിക മാധ്യമങ്ങളുമായോ കൂട്ടിക്കലര്‍ത്തികൊടുക്കണം.
അന്തരീക്ഷത്തിലെ നൈട്രജനെ അമോണിയയാക്കി മാറ്റുവാന്‍ കഴിവുള്ള സൂക്ഷ്മാണു ജീവികള്‍ അടങ്ങിയിട്ടുള്ളവയാണ് നൈട്രജന്‍ ജീവാണുവളങ്ങള്‍. വായുവില്‍ ഏകദേശം 80% നൈട്രജന്‍ ഉണ്ടെങ്കിലും അത് നേരിട്ടുപയോഗിക്കാന്‍ ചെടികള്‍ക്ക് കഴിയുകയില്ല.വാതകരൂപത്തിലുള്ള ഈ നൈട്രജനെ അമോണിയ,നൈട്രേറ്റ് എന്നീ രൂപത്തിലാക്കിയാല്‍ മാത്രമെ വിളകള്‍ക്ക്‌ വേരുകള്‍ വഴി വലിച്ചെടുക്കാന്‍ സാധിക്കുകയുള്ളൂ. മണ്ണില്‍ കാണുന്ന ചില പ്രത്യേകതരം ബാക്ടീരിയകള്‍ക്കും നീലഹരിതപായലുകള്‍ക്കും,ഈ നൈട്രജനെ നൈട്രോജെനേസ് എന്ന എന്‍സൈമിന്‍റെ സഹായത്താല്‍ അമോണിയയാക്കി മാറ്റാനുള്ള കഴിവുണ്ട്.
നൈട്രജനെ അമോണിയയാക്കി മാറ്റുവാന്‍ കഴിവുള്ള സൂക്ഷ്മാണു ജീവികളുടെ സ്വഭാവം അനുസരിച്ച് അവയെ പ്രധാനമായും നാലായി തരംതിരിക്കാം.
1. ചെടികളുടെ വേരുമായി ഒരു ദൃഢബന്ധം സ്ഥാപിക്കാതെ മണ്ണില്‍ സ്വതന്ത്രമായി വസിക്കുമ്പോള്‍ നൈട്രജനെ അമോണിയയാക്കി മാറ്റുവാന്‍ കഴിവുള്ളവ. ഉദാ:അസറ്റോബാക്ടര്‍,നീലഹരിതപായല്‍. ഇത്തരം സൂക്ഷ്മാണു ജീവികളെ നോണ്‍സിംബയോട്ടിക് നൈട്രജന്‍ ഫിക്സിങ്ങ് ബാക്ടീരിയ എന്നു വിളിക്കുന്നു.
2. ചെടികളുടെ വേരുകളുടെ ഉപരിതലത്തില്‍വച്ചോ ചില സന്ദര്‍ഭങ്ങളില്‍ അവയ്ക്കുള്ളില്‍ വച്ചോ നൈട്രജനെ അമോണിയയാക്കി മാറ്റുവാന്‍ കഴിയും. ഉദാ :- അസോസ്പൈറില്ലം. ഇതു അസോസിയേറ്റീവ്‌ നൈട്രജന്‍ ഫിക്സിങ്ങ് ബാക്റ്റീരിയം എന്ന വിഭാഗത്തില്‍ പെടുന്നു.
3. പയറുവര്‍ഗ്ഗച്ചെടികളുടെ വേരുകളിലും ചില സന്ദര്‍ഭങ്ങളില്‍ തണ്ടുകളിലും ഉണ്ടാകുന്ന മുഴ (nodule)കള്‍ക്കുള്ളില്‍ വെച്ച് നൈട്രജനെ അമോണിയയാക്കുന്നവ. ഉദാ:- റൈസോബിയം, ബ്രാഡി റൈസോബിയം, അസോറൈസോബിയം. ഈ ബാക്ടീരിയകളും അവ നോഡ്യൂളുകളില്‍ ഉണ്ടാക്കുന്ന പയറു ചെടിയും തമ്മില്‍ ഒരു പരസ്പര സഹായബന്ധമുള്ളതിനാല്‍ ഇവയെ സിംബയോട്ടിക്‌ നൈട്രജന്‍ ഫിക്സിങ്ങ് ബാക്ടീരിയ എന്നു വിളിക്കുന്നു.
4. അനാബിന അസോള എന്ന സൈനോ ബാക്ടീരിയ വളരുന്ന അസോള എന്ന ജൈവകീടാണു വളം നാലാമത്തെ വിഭാഗത്തില്‍ പെടുന്നു.
അസറ്റോബാക്ടര് ജീവാണുവളം ഉപയോഗിക്കേണ്ട രീതികള്

പാക്യജനകവും ഭാവഹവും ഉത്പാദിപ്പിക്കാന്‍ കഴിവുള്ള സൂക്ഷ്മജീവികളെ സംബന്ധിച്ചുള്ള ചെറുവിവരണം താഴെ ചേര്‍ക്കുന്നു.

സൂക്ഷ്മജീവികള്‍	പ്രവര്‍ത്തനം
1.പയറുചെടികളുടെ വേരിലെ മുഴകള്‍ കേന്ദ്രീകരിച്ച് പാക്യജനകം സ്വരൂപിക്കാന്‍ കഴിവുള്ള ബാക്ടീരിയകള്‍ a.റൈസോബിയം	ആണ്ടില്‍ ഒരു ഹെക്ടറിന് 50 മുതല്‍ 300 കിലോഗ്രാം പാക്യജനകം സ്വരൂപിക്കുന്നു.
2.സ്വതന്ത്രമായ പാക്യജനക (നൈട്രജന്‍)സ്വരൂപണത്തിന് കഴിവുള്ള ബാക്ടീരിയകള്‍ a. അസറ്റോബാക്ടര്‍ഇവ (കരപ്രദേശങ്ങളില്‍ ,നീര്‍വാര്‍ച്ചയുള്ള സ്ഥലങ്ങളില്‍ ഏത് വിളകള്‍ക്കും ഉപയോഗിക്കാവുന്നതാണ്.ഇവ അന്തരീക്ഷ നൈട്രജനെ സ്വീകരിച്ച് അമോണിയ രൂപത്തിലാക്കി സാവധാനം ചെടികള്‍ക്ക് ലഭ്യമാക്കുന്നു.വിത്തില്‍ പുരട്ടിയും പറിച്ചു നടുന്ന ചെടികളുടെ വേരുകള്‍ ഇതില്‍ മുക്കിയും ഇത് ഉപയോഗിക്കാവുന്നതാണ്.ചാണകപ്പൊടിയും മണ്ണും ചേര്‍ത്തു പാടത്ത് വിതറിയും ഈ സൂക്ഷ്മാനുവളം ഉപയോഗിക്കാം .) b. അസോസ്പൈറില്ലം (താഴ്ന്ന പ്രദേശങ്ങളിലും നെല്പ്പാടങ്ങളിലും കൃഷി ചെയ്യുമ്പോള്‍ ഉപയോഗിക്കാവുന്നതാണ്. മണ്ണില്‍ വേരോട് പറ്റിയിരിക്കുകയും, ഇവ നൈട്രജന്‍ സംഭരിക്കുന്നതിന് പുറമേ വളര്‍ച്ചാ ഹോര്‍മോണ്‍ , എന്‍സൈമുകള്‍ തുടങ്ങിയവ ഉല്‍പ്പാദിപ്പിക്കുന്നു.ചെടികളുടെ വളര്‍ച്ചയെ ത്വരിതപ്പെടുത്തുന്നു. വെള്ളത്തിലോ ശര്‍ക്കര ലായനിയിലോ നേര്‍പ്പിച്ചു വിത്തില്‍ പുരട്ടാം തൈകളുടെ വേരുകള്‍ ഈ ലായനിയില്‍ മുക്കിവച്ച ശേഷം നടാവുന്നതാണ് . ), c.അനബീന	ആണ്ടില്‍ ഒരു ഹെക്ടറിന് - 10 മുതല്‍ 20 കിലോ പാക്യജനകം സ്വരൂപിക്കുന്നു.
3. ചെടികളുടെ വളര്‍ച്ച കൂട്ടാനുതകുന്ന ബാക്ടീരിയകള്‍ (PGPR) a.അഗ്രോബാക്ടീരിയം b. ബാസില്ലസ് c. അസറ്റോബാക്ടര്‍, d. സ്യൂഡോമൊണാസ് e. എന്ററോബാക്ടര്‍	വേരില്‍ കോളനിയുണ്ടാക്കി ചെടികളുടെ വളര്‍ച്ചയെ ഉത്തേജിപ്പിക്കാനും രോഗങ്ങളെ പ്രതിരോധിക്കാനുമുള്ള പദാര്‍ഥങ്ങള്‍ പുറത്തുവിട്ട്‌ ചെടികളുടെ വളര്‍ച്ചയെ ത്വരിതപ്പെടുത്തുന്നു.
4.സ്വതന്ത്രമായി പാക്യജനകം സ്വരൂപിക്കാന്‍ കഴിവുള്ള ആല്‍ഗകള്‍ a. അനാബിനാ b. അസോളകരോളിനിയാന c. അസോള നിലോട്ടിക്ക	ആണ്ടില്‍ ഒരു ഹെക്ടറിന് 900 കിലോ പാക്യജനകം സ്വരൂപിക്കുന്നു.
5. ഭാവഹ(ഫോസ്ഫറസ്) വിലേയന ബാക്ടീരിയകള്‍ a. സ്യൂഡോമൊണാസ് സ്ട്രയേറ്റ b. ബാസില്ലസ് സട്ടിലസ് c. സാന്തോമൊണാസ് d.അര്‍ബസ്ക്കുലാര്‍മൈക്കോറൈസ (മണ്ണില്‍ ഫോസ്ഫറസ് വളങ്ങളുടെ ലഭ്യത കൂട്ടുകയും , ചെടികള്‍ താഴചു വളരാന്‍ സഹായിക്കുകയും ചെയ്യുന്ന ഫംഗസ്. വേരിനോട് ചേര്‍ന്ന് വേരിന്റെ ഭാഗമായി മാത്രമേ ഇവ ജീവിക്കുന്നുള്ളു.ഇവ ചെടികള്‍ക്ക് രോഗപ്രതിരോധ ശേഷികൂടി നല്‍കുന്നു.)	മണ്ണില്‍ ഉറച്ചുപോയ ഭാവഹത്തെ 50 മുതല്‍ 60 ശതമാനംവരെ ലയിപ്പിക്കാനുള്ള കഴിവ് ഇവയ്ക്കുണ്ട്.
6. ഭാവഹ ലായക ഫംഗസുകള്‍ a. ആസ്പര്‍ജില്ലസ് നൈഗര്‍ b. ആസ്പര്‍ജില്ലസ് അവമൊറി c. ഫ്യുസേറിയം d. പെനിസിലിയം e. വെസിക്കുലാര്‍ ആര്‍ബസ്ക്കുലാര്‍ മൈക്കോറൈസെ (VAM ) 7.പൊട്ടാഷ്ബാക്ടീരിയ. a.ഫ്രെച്ചൂറിയ :- (ഇവ പോട്ടസ്യത്തെ ലയിപ്പിച്ചു ചെടികള്‍ക്ക് നല്കാന്‍ ശേഷിയുള്ള ബാക്ടീരിയ ആണ്.വിളവില്‍ 20%വരെ വര്‍ധനവ്‌ ഉണ്ടാക്കാന്‍ ഇവയ്ക്കു കഴിയും വിത്തില്‍ പുരട്ടിയോ,വേരില്‍ മുക്കിയോ നേരിട്ട് തളിച്ചോ ഇവ ഉപയോഗിക്കാം)	മണ്ണില്‍ ഉറച്ചുപോയ ഭാവഹത്തെ 50 മുതല്‍ 60 ശതമാനം വരെ ലയിപ്പിക്കാന്‍ ഇവയ്ക്ക് കഴിയും

8.ഫോസ്ഫോബാക്ടീരിയ

ഫോസ്ഫോബാക്ടീരിയകള്‍ മണ്ണില്‍ ഉള്ള ഫോസ്ഫേറ്റ് നേ ചെടികള്‍ക്ക് ആഗിരണം ചെയ്യാന്‍ കഴിയുന്ന രൂപത്തിലാക്കി നലാകാന്‍ കഴിയും. വിത്തില്‍ പുരട്ടിയും തൈകളുടെ വേരുകള്‍ മുക്കിയും ചാണകവുമായി കലര്‍ത്തി പറബില്‍ ഇടുകയോ ചെയ്യാം